Msuŋ | LimbùmOnline.org

MBɄ̀ LÀ DÙ KU ŊGǍ MFÀꞋ CA

Yu ce wèe ce yɛ na yu yu anà ce a to enɛ fàʼ àbee. Ye yu yu mbǒŋ tuu à rfà àbee wèr bèe ca wèe Bǎ Ŋgàʼ Sǎmsen, ba nfʉr ye sèe ce Cuyɛ Obɛ̀d ker be nfʉr yèr ce Taŋko Ɛlvìs à rbo mbʉ̀ʼ ŋwàʼ Limbùm ca sêe. Wèr à tʉr nè yer ndè toʼ, ba bu Nyʉ̀ kèr ba mŋwàʼ. Wèr à kàʼshi enɛ ye bòŋ enɛ sèe tʉr dèʼ ca ce e bee ba ma rlaʼ mŋwàʼ gòr ne wǐmbùm. ghèter ce vʉ caʼni wèr mbe www.LimbùmOnline.org.

Fa yèsi à rtusi wèr ntuu kɛ̀ mŋwàʼ kaʼ, ye be bòŋ enɛ à tusi foŋ wèr bfutù ba mlìŋshi ba mŋwàʼ ce e bee jàʼ wɛ̀ à ryɛʼni à rbèe kèr saŋ limbùm, e bee jàʼ wèr se.

Ŋwàʼ Korɛn ce entombi 12:12. “Yi ku ba àmbò nyor e ke ba mò’sir, mŋgʉ̀’ nyor vi ku ba jɛɛ jɛ̀ɛ jɛɛ nà. Mŋgʉ̀’ nyor ca vi ke tarshi nyor àbee, gee nyor mò’sir. Jisos Krǎis ku ba wa’ foŋ.”

https://bible.com/bible/1240/1co.12.12.LNT

MSUŊ MOꞋ BA MBIPSHÌ

Wèr ce càꞌne wèe à rli Tata Jesus ce e yu yìsì ŋwɛ̀ rjàꞌ. Yisè mbʉ̀ꞌ ŋwàꞌ ce yi yu yɛɛnè sèꞌne a ce fàꞌ, àmbò wèe b ce niŋ à bdìꞌ jɛɛ jɛ̀ɛ jɛɛ embe na, semòꞌ à be tʉr mbipshì kɛ̀ mu yu moꞌ ce yi ce fa wɛ̀ ŋgɛꞌ kɛ̀ mʉ yuu ce wɛ̀ ba kòŋ enɛ tɛ wèr duŋshì mbena àwaŋ. Tuusi wèr ntu njè embe mɛl na ce yi yu enɛ limbumonline308@gmail.com. Àdeꞌ wèe ku saŋ foŋ wèr mbe whatsapp ce yi yu enɛ +237677504196

Bɛrì wèe, tɛ Nyʉ̀ ghoni wèe